期指結算，再加上杜拜世界事件，令到恒指上星期最後兩個交易日唔見咗千五點，認真「濕滯」，究竟中東油國係唔係財困？會唔會引發另一次金融海嘯？將成為後市去向嘅關鍵。上個禮拜五咁跌法，但同晚美股跌幅又無想像中咁恐怖，睇怕今日反彈可期，問題係反彈應該追貨還是清貨呢？古晨覺得君子不立危牆下，加上大市升咗咁多，第一次警號響起，應該都係小心啲好。
信義玻璃（00868）近期見主席李賢義多番增持，而行政總裁董清世亦有增持行動，反映管理層十分睇好後市，其實自下半年起，信義玻璃積極增添多條生產線，反映接單情況理想，早前內地汽車銷情理想，啲車股炒到嘭嘭聲，信義本身都有汽車玻璃概念，加上老細增持，依啲有業績支持嘅股份，隨時一炒即起，博佢上8元，跌穿5.2元才作止蝕。
古晨