奧巴馬訪華，尋日港股炒到癲，二至四線股都進入瘋狂狀態。雖然氣溫呢幾日急降，但港股卻炒到熱烘烘，尋日市況基本上係雞犬皆升，個個炒友忙到不可開交。當然啦，日日有唔同炒作主題，最重要係買咩都升，只係升多升少嘅問題。市況咁旺，我古晨話最重要係把握機會搵吓錢過年。
正所謂「劣幣驅逐良幣」，大市往往炒到尾聲，炒得最狠都係班仙股，貪其升幅夠勁嘛。咁多仙股中，古晨留意到隻中國仁濟醫療（00648）近期熱晒身，睇怕都開車在即。
以往中國仁濟都係炒得之股，七月曾炒過幾轉，之後反覆回落番0.06元附近見收集，近日股價重拾動力慢慢抽上，而且仲上番晒所有平均線之上，走勢相當對辦，量度計今轉要見0.12元絕對唔奇，止蝕位可以考慮放於0.06元。
古晨