聽地產代理老友講，干德道60、60A、60B同60C係一列約5層高嘅舊樓，共約有20個單位，當中部分單位喺早年已經拆散售出，而市場亦絕少二手成交出現。

代理招聘日考急才

老友話，該4幢物業中，有部分業主持有多過一個單位，其中一名活躍於收購市場嘅楊姓投資者都係業主之一，由於豪宅物業相當值錢，所以有財團收購亦不足為奇，但今次干德道60號成交係內部轉讓定係真實成交就有待分曉。

另外，港置行政總裁李志成話，上周末舉辦咗第三屆銷售專才招聘日，特意安排專業演員扮演準買家，以實況面試形式，除測試應徵者嘅軟銷能力外，並讓其體驗地產代理工作上面對的挑戰。

Vincent收到風，置業18執行董事張文傑等率領奧運站帝柏海灣、柏景灣同九龍站分行部分精英，在上周末參加慈善保齡球賽，協助慈善機構籌款，最後仲喺分組賽事中勇奪銀碗賽亞軍，幫助到社會有需要人士之餘，又可體現上下一心嘅團結精神。

Vincent Lau