「該出手時就出手」

A股一向畀人話係政策市，市場走勢隨住中央政策訊號起起跌跌，股民嘅思維方式亦與香港完全不同，每次大升時就要求「由市場力量決定走勢」，一到大跌市時，要政府救市嘅呼聲又會此起彼落，呢個現象有人形容為「有中國特色嘅社會主義道路」，咁有冇人知道何謂「符合中國國情、具有中國特色嘅資本市場」呢？周正慶提供咗一個精闢嘅見解，精髓就在於該出手時就出手，唔可以畀資本市場不能干預嘅觀點綑住手腳。

有一批人話政府唔應該救市，周正慶接受內地報章訪問時，就批評作出這些言論嘅人，係對政策喺發展市場嘅作用認識不足或者有偏差。佢又話今次金融危機令佢得到嘅啟發，就係發展資本市場唔可以照搬外國嗰套，一味將西方理論奉為圭臬，唔可以由市場自身能解決嘅問題，就必須由政府出手進行調控及干預，以維護股市發展。

余絲韻