本文重點
富蘭克林鄧普頓投資主席麥博士（Mark Mobius）開咗個Blog同大家分享新興市場嘅投資心得，一年有250日周圍飛嘅佢唔係成日得閒接受訪問，與投資者分享自己對市場嘅睇法，所以就開番個Blog，親自撰文同大家分享佢喺新興市場嘅見聞。絲絲八到，如果時間上允許，麥博士希望一個星期更新一次個人Blog。
分享新興市場經歷
麥博士有「新興市場之父」之稱，因為佢經常出鏡做訪問，加上佢個招牌光頭，所以經常喺酒店、機場被人認出，捉住佢問買乜嘢股票好。佢寫咗好幾本書講新興市場投資，不過寫書需時，所以佢索性開番個Blog，加快Update之餘仲可以變成交流平台。
絲絲上網睇過，麥博士喺網誌已寫咗第一篇文同大家Say hello。佢話自己一年有250日都係飛緊，差唔多探訪晒全球每一個角落嘅公司，親眼見證公司及國家嘅真實情況，呢啲係數字反映唔到嘅嘢。麥博士會通過個Blog，同大家分享新興市場嘅「探險」經歷。
余絲韻