大市三日跌過千點，的確震散唔少鑊鏟友。今轉股仔非常落後，所以跌幅唔算好大，過去三日大市主要跌大價股，相反個別股仔不跌反升，鑊氣未退，睇來仲未炒完，只要大市跌勢喘定，相信股仔可以再起風雲。
內地傳出明年可能會收緊樓貸，令尋日一眾內房股有唔少沽壓，唯獨是五礦建設（00230）表現突出，早段跟隨一眾內房股低開，但尾市轉跌為升，表現突出。自年中轉型房地產業務後，一直受母公司注資照顧，業務增長理想，中期盈利增長50%，有晒交代。轉型後五礦建設有唔少基金「粉絲」，Albertson Capital月中率先公布手持逾5%。自消息公布後，五礦股價更為硬淨，尋日逆市升至2.5元收市，分明想開車，不妨以3.2元作為短期目標，止蝕位可考慮放於2.2元。
古晨