本文重點
政府尋日公布，委任智經研究中心理事兼貝克麥堅時律師事務所香港、中國及越南辦事處主席李金鴻為證監會非執行董事，為期兩年。李金鴻最令人深刻一役，係去年四月發表智經研究中心報告，批評港交所上市審批過嚴，窒礙企業來港上市，建議港交所作檢討同埋研究AIM模式。
曾轟上市審批過嚴
雖然港交所唔係好認同審批過嚴嘅批評，但其後聘請顧問檢討上市規則同上市架構，近年又不斷簡化上市程序，擴闊上市公司來源，或多或少都受智經報告一啲影響。 李金鴻就話自己喺業界服務多年，好高興可作出貢獻。
不過，獨立股評人David Webb就認為，李金鴻嘅委任只係禁售期風波後，富豪要影響本港政策制訂嘅另一個例子，因為智經係由富商資助。Webb之前已批評過上市委員會嘅委任。
眾所周知，智經係政府智囊，委任智經嘅人加入證監會不難理解。
另外，方正及陳鑑林將分別續任證監會主席及非執行董事兩年。
余絲韻