為港癌症基金會籌款

當日滙豐保險會為香港癌症基金會籌款，舉辦萬聖節大巡遊，用以擴展黃大仙癌協熱線服務，到時大夥兒就會浩浩蕩蕩由滙豐總行出發，行到去天星碼頭，仲規定參加者要穿着「令人眼前一亮」嘅萬聖節服裝。

Jason（石湛森洋名）係滙豐保險香港揸弗人，當然要落場扮埋一份啦！之前預演時佢已經扮士兵，仲記得有一年佢曾以《聰明笨伯》其中一個主角扮相出動巡遊，當時佢真係露膊又露大髀，好鬼認真，所以絲絲真係好想知道今年佢又會扮乜嘢！

Jason就向絲絲大賣關子，只係話會出動新形象。話時話，今年已經係滙豐保險第3年與香港癌症基金會合作，之前兩年共籌到400萬元，希望今年再創佳績啦！

余絲韻