台議員聲討待遇差別

呢單Facebook網上「農場」遊戲，搞到台北市議員陳建銘都好關注，仲大聲話兩岸農民不論係購買物件價格、農產品產值及優惠權益，都有天壤之別，因此唔少台灣「農民」紛紛「移民」出走，加入大陸網站。

大陸「農場」產品價平，當然吸引台灣「農民」進駐，不過陳建銘話咁樣會造成台灣經濟重大損失，原因除咗係會有大量經濟流失外，仲出於匯率，原來好多台灣「農民」喺大陸嘅「開心農場」刷卡交易係以美元計算，但好多台灣「農民都唔知道，搞到找數時先知道金額有成30倍差額（1美元約兌30元新台幣）！

有台灣「農民」玩家仲話，兩岸「農民」買種子嘅金幣行情相同，但大陸「農民」還免費獲贈加工機器，台灣「農民」就無！大陸「農場」有專責嘅系統管理員，台灣「農場」因玩嘅人太多，經常「當機」，代銷農民幣嘅公司又唔負責，令台灣「農民」投訴無門。

余絲韻