慶祝排燈節載歌載舞

不過，佢哋亦唔敢輕視人口都好多嘅印度市場，所以日前旗下嘅滙豐工商業務部就專登為咗班印度客戶喺總行搞咗個「排燈節」酒會，一齊歡度呢個咁重要嘅印度傳統節日。

為隆重其事，執行董事王冬勝、工商業務主管陳樑才等高層都有出席是次盛會，印度客戶亦好畀面，差唔多有成300人蒞臨。其實滙豐向來與印度客戶都有良好關係，早喺柯大俠年代已經話同啲印度客打成一片。

絲絲見當晚會場都係經過悉心布置，彩燈閃吓閃吓，好有印度色彩Feel。滙豐仲請咗唱片騎師為現場賓客細意挑選曲目，亦安排咗精彩嘅舞蹈表演，睇吓相中美女嘅艷麗服裝，唔講都知係表演印度舞，絲絲相信唔單止班客戶，滙豐高層都一定好盡興，既有音樂聽，又有舞蹈欣賞。場內仲有幸運朱古力占卜，為客戶占算來年運程，啲客戶對於滙豐嘅安排應該好滿意。

余絲韻