本文重點
金價屢創歷史新高，投資者對黃金呢種貴價金屬再度看好，就連英國著名百貨店Harrod's（夏洛氏）亦配合買金熱潮，破天荒喺店內櫃位出售金磚及金幣，主要顧客對象係私人投資者。
12.5公斤金磚有售
今次賣金磚創舉可說係出自Harrod's主席法耶茲，佢夥拍瑞士煉金商PAMP喺百貨公司內引入實金銷售。佢哋睇準息口持續低企，加上英國樓價下挫，令富裕投資者紛紛找尋另類資產以將資金投入。PAMP話會提供全套系列產品畀Harrod's銷售，顧客可以喺百貨店買到12.5公斤嘅「黃金磚頭」。
Harrod's金條部門阿頭Chris Hall就話，新財務環境造就英國投資者對實金嘅需求，對好多人嚟講，黃金係嶄新及唔太熟悉嘅資產，而倫敦現時並未有一間具良好信譽嘅商號，配合呢個新形勢，公司正好提供一個「保守」環境售賣實金予顧客。
余絲韻