本文重點
金融機構為大學生提供實習機會就聽得多，但贊助大學生喺非牟利服務機構（NGO）實習，絲絲都係第一次聽。花旗集團今年首次與本地36家NGO合作，推出「花旗集團大學生社責實踐」計劃，為本地大學商科生提供72個實習機會，每位完成實習嘅同學，可獲由花旗贊助嘅6,000元津貼。實習計劃將於今年十二月至明年二月舉行，有份提供實習職位嘅NGO，包括紅十字會、明愛、救世軍及世界自然基金會等。
加強企業社責意識
絲絲收到風，今次計劃吸引來自9間大學超過340名同學申請，有幸獲選嘅72名同學中，城大生佔最多，達21%。同學將分為兩人一組，為其所編派嘅NGO進行籌款及社區服務項目，如照顧長者、兒童、青少年及有需要家庭等。實習前同學會接受在職培訓及有關企業社會責任和跨部門合作課程。
負責「穿針引線」嘅花旗話，希望透過今次計劃，加強同學對企業社會責任嘅意識，培養同學成為關心社會嘅商業人才。