本文重點
中國人向來都有飲水思源嘅觀念，而原來西方人都有呢個觀念，好似搜尋器巨擘Google嘅行政總裁施密特（Eric Schmidt）同埋佢太太，就捐出咗二千五百萬美元（約一點九五億港元）予母校普林斯頓大學，支援佢哋嘅科學研究。
支援普大科研
現年五十四歲嘅施密特早於一九七六年畢業於普大嘅電機工程學系，喺○四至○八年仲擔任該大學嘅信託人之一。
普林斯頓大學喺聲明中表示，今次捐款係由施密特夫婦設立嘅改變科技基金中撥出，款項有助大學成立儲備基金，資助喺比賽中脫穎而出嘅學者進行研究。
擔任Google董事會成員嘅普林斯頓大學校長Tilghman就話，新基金有助普大嘅科學家及工程人員探求新科技所需嘅新意念，呢啲意念通常因風險關係而未獲其他基金所支持。
余絲韻