恒指直撲22,000點，雖然市場氣氛未算好熾熱，但已較九月時好番好多，早前場邊好多資金等埋位，近期都開始慢慢入番場，部分股仔開始有番啲炒味。由於唔少股仔都調整咗唔少，再跌空間好有限，如果市場氣氛可以保持，唔排除再炒第二春。
英特爾業績好過預期，帶動晶片股上升，晶門科技（02878）這家八月曾熱炒過嘅高科技股，近年在智能手機冒起下，業務急轉直下，惟現時仍未能擺脫虧損之局。不過，今年六月起見中國電子集團密密在市場吸納其股份，更成為單一大股東，最新持股量已增至23%，九月份雖然股價回軟咗唔少，但中國電子從未停過手吸納，市場街貨早已歸邊，尋日市場一追貨，股價即爆升9%，走勢靚絕，短線睇1元，止蝕可以放於0.75元。
古晨