港股連續第三個交易日上升，恒指輕易收復21,000點關。詩詩所持國美（00493）係就係跟個市上番唔少，但未有耐見家鄉。至於尋日買入的筆克（00752）逆市下跌，今日都唔行就可能短炒完，要沽出計數。
華晨汽車（01114）尋日表現唔錯，在成交增加配合下，股價升逾7%，扭轉之前弱勢，相信調整已告一段落，可吼位炒番轉。由於之前華晨公布上半年業績盈轉虧，對股價帶來壓力。不過，上半年虧損屬市場預料之內，加上中華牌轎車業務，可受惠於內地轎車市場復甦，輕型客車銷售則可得益於中國政府對農民提供補貼的舉措，華晨前景仍值得睇高一線。
另方面，今年市場已多番傳出華晨被購併傳聞，而其控股股東年中以0.43元認購13億1,790萬股，亦可視為正面因素。不過，要留意係華晨相對內地其他汽車生產商，競爭力較弱，詩詩認為宜炒不宜坐，短炒目標為50日線，即0.95元，止蝕訂於0.8元。
詩詩