港股兩個交易日又升近千點，周一港股氣氛明顯轉好，除了指數狂升外，好多股仔亦見蠢蠢欲動，為尋日升市帶起完美前奏，果然尋日港股亦不負所望，可惜係周一可以炒上嘅股仔，好大部分都高開低走，認真麻麻，大部分都唔係好似樣。今次大市反彈，主要係基金入市追貨較多，所以部分基金愛股就走勢唔錯。
內需概念仍是下半年投資取向所在，內地運動服裝市場增長理想，整體增長達兩成以上，特步國際（01368）股價在4元呈現收集多時，瑞銀早前將其評級，由「中性」調升至「買入」，維持目標價4.35元不變，相當於一○年預期市盈率12倍，指現價吸引。古晨認為瑞銀睇法合理，值得於4元之下買入作中線持有，博年底炒上5.2元，止蝕不妨考慮放於3.5元。
古晨