居屋勁旺 買賣闖千關

Vincent八到，剛剛做完暑期推廣嘅Shama，不但Keep住原有推廣優惠至年底，而位處消費購物區嘅銅鑼灣Shama更出新招，推出介乎月租同日租之間的按周計算租務計劃，若租一星期嘅每日房租僅九百八十元，比一般日租節省約一成二，適合短期留港嘅旅客。

樓市氣氛好，連居屋市都交投暢旺，中原黃良昇講，上月二手居屋共錄九百九十宗買賣登記，比八月升兩成一，係近四年半高位，而隨着樓價愈升愈高，令成交金額更創近十二年新高，達到十四點七六億元，按月升幅近兩成四。期內錄得最多成交嘅居屋為屯門兆康苑，共三十九宗，其次係九龍灣麗晶花園及沙田穗禾苑，分別有二十九宗及二十七宗。總結第三季，二手居屋登記有二千七百六十九宗，總值四十點七四億元，分別創九七年第三季與○五年第二季後新高。

（Vincent Lau）