美股重拾升勢，港股昨日亦重返50日線之上，報收20,812點，升382點。見市況回穩，詩詩亦有番心情入場炒股，開市以1.28元買入10萬股筆克遠東（00752），收市報1.33元，暫時贏些少，今日或者再向52周新高挑戰，1.4元有得落車，短炒利潤都唔錯。
波司登（03998）係內地其中一間最大的羽絨服裝企業，以○八年銷售額計，在內地市佔率接近四成，龍頭地位暫難動搖。截至今年三月底，集團持有現金及現金價物38.1億元人民幣，並無任何未償還貸款及銀行借款，財政狀況相當穩健。
雖然去年受累金融海嘯，其業績表現遜色，但今年在中央催谷內需下，料銷售可恢復增長。波司登最近獲IDG基金，向滙豐直接投資旗下全資附屬公司，藉以購入波司登2.77%權益。IDG睇中波司登，詩詩相信係因為公司不但有回歸A股概念，加上母公司涉及業務甚廣，同具注資概念，前景值得睇高一線。
詩詩