本文重點
一對係威係勢嘅銅獅子史提芬（Stephen）和施迪（Stitt），多年來成為滙豐嘅標誌，見到呢對寶貝就令人即刻想到滙豐，你話佢哋嘅代表性係咪拍得住滙豐歷代嘅大班？既然係咁，家陣滙豐大舉進攻神州，無理由上海總部會無咁具代表性嘅標誌㗎？
滙豐已決定將鎮守香港滙豐總行門口嘅銅獅子複製，並將這新生一代放置喺明年上半年開幕嘅滙豐中國上海新總部大樓，到時我哋廣大嘅內地同胞都可以欣賞呢對銅獅寶貝。
第四代銅獅回歸故土
依家香港嘅銅獅子周圍已裝上圍欄，複製工程由尋日開始至本月二十日，製模工程會喺香港進行，而新銅獅將於上海鑄造。數吓手指，新銅獅係史提芬同施迪嘅第四代成員。
喺○一年時，第三代嘅史提芬和施迪喺倫敦金絲雀碼頭滙豐集團總部站崗；而將來喺上海總部放置嘅銅獅，可以話係子孫回歸故土，因為第一代銅獅喺一九二三至一九五○年於上海分行擺放，輾轉先至喺香港誕生第二代，絲絲真係替史提芬同施迪開心，因為好快就可以「返鄉下」！
余絲韻