美國經濟前景又轉趨悲觀，道指腳軟失守9,500點。內地股市最醒目，計落今年係第一個反彈嘅市場，而今次回落又係領頭羊，如果以上證回吐幅度計，都有兩成半，一旦港股都要回兩成半，咪要見16,600？
其實之前恒指未跌，好多股票一早已經回晒塘，反而現時指數跌，啲股仔反應就唔算太大，資金市就係咁，炒股唔炒市嘛。
潮流興「環保」，真明麗（01868）轉攻LED裝飾燈產品後，發展認真唔錯，去年受到海嘯影響，銷售額跌咗唔少，不過今年憧憬內銷增加相抵下，股價從低位復勇炒上，並且一浪高於一浪，最近傳發TDR一事快有好消息，股價再現動力，股價相對同業落後，今轉隨時可見4.5元，炒味咁濃，止蝕位就定喺3元先。
古晨