本文重點
手機網絡商為爭客奇招盡出，喺英國就有網絡商大搞「人肉營銷」概念，以月費回贈甚至現金回贈方式，鼓勵客戶以自己嘅人際關係網絡幫手促銷服務。
3英國O2各出奇招
英國嘅O2早前宣布年底前啟動以「GiffGaff」為名嘅新品牌，其特色係以月費回贈方式鼓勵客戶透過網誌與社交網站，解答其他客戶嘅技術問題，借此減低售後服務及市場推廣嘅成本，從而增強低端市場嘅競爭力。
O2嘅主要對手和黃（00013）旗下3英國就推出「Free Agent」服務，理念更加簡單，參與嘅用戶每次成功介紹一位親友購買預付卡，就可獲3給予最多5英鎊嘅現金回贈，而客戶每月可獲嘅回贈次數更不設上限，從而鼓勵客戶幫手推銷服務。
余絲韻