推介金磚四國基金

金磚四國（BRIC）呢個「朵」最初由高盛提出，用咗巴西、俄羅斯、印度及中國呢四個國家英文名嘅第一個字母砌出嚟。喺尋日嘅記者會，滙豐好花心思點綴，用咗四樣嘢嚟代表呢四個國家，包括中國茶、巴西出產嘅朱古力及咖啡、俄羅斯嘅子母手工藝品以及「疑似」咖喱角嘅印度香辣食品，公關話呢啲「疑似」咖喱角係託親友喺印度旅遊專程買返嚟。

現時佢哋個基金有1%係現金，四個國家所持投資嘅分布都好平均，佢哋四位基金經理每月都會開會傾吓投資策略。從佢哋四位仁兄咁難得周遊列國推介基金，都應該估到回報應該唔錯，至有Point去Sell畀人，睇番資料，呢隻叫滙豐環球投資基金──新興動力嘅基金，今年回報已超過七成。

余絲韻