享受無所事事睇吓書

據講件事發生後，寧總朝早落街買早餐都會見到記者等佢，佢話真係唔想有人見到佢剛啱起身蓬頭垢面嘅樣。絲絲都知寧總一向係執到自己整整齊齊先出街嘅人，有次去北京中糧總部辦公室搵佢，見佢書架後面都有個大衣櫃放晒唔同款嘅西裝褸喺度，就證明佢幾着重整齊。

寧總話自己想過一啲低調嘅生活，家陣最享受嘅事係「今日無乜做，可以睇一本書」，近期佢最鍾意睇柏揚嘅一系列歷史著作。佢話曾國藩曾送咗一副對聯畀佢細佬，內容係「千秋邈矣獨留我，百戰歸來再讀書」，勉勵佢喺連年征戰後要好好讀書，修心養性。家陣呢副對聯掛咗喺中糧創辦嘅企業大學──忠良書院嘅再讀亭上面，寧總話同事平時做嘢好辛苦，返到嚟就可讀吓書啦。

余絲韻