二三線股仔無晒動力，唔單止成交額縮水，莊家似乎就連維持秩序亦慳番，詩詩都係睇番正路股穩陣。中國旺旺（00151）逆市升2.6%，成交雖然未見顯著上升，但在現水平入貨風險唔算高，可以話攻守兼備。

內地為「保八」，推出多項措施刺激經濟，加上內地社會消費品的零售總額，年增率近15%，城鎮居民人均可支配收入也錄得近一成增長，中國內需市場可以話已走出金融海嘯陰影。雖然旺旺上半年業績未能令人滿意，但相信下半年業績可睇高一線。旺旺日前已公告發中期股息0.6美仙，為TDR（台灣存託憑證）掛牌後首次派息。已回台發行TDR的旺旺，只要業績與盈利表現佳，有機會在一年內分配股息2次，所以詩詩認為旺旺守得過，可考慮作中線投資。

詩詩