本文重點
內地體育用品商匹克（01968）來港上市，公司英文名叫「PEAK」，創辦人兼主席許景南話，公司創立時叫豐登，喺九一年公司決定將品牌國際化，員工們一齊「腦震盪」為產品改英文名，有人靈機一觸，將公司名豐登掉轉讀成登豐，聯想起同音嘅「登峰」，翻譯英文就叫「PEAK」，公司名亦改為「PEAK」。呢個英文名解作「山之巔峰」，代表自我挑戰及不斷攀越高峰嘅精神，而中文名就叫匹克。
專注籃球市場
匹克標誌係紅色山峰，代表年輕及活力，仲有口號「I can play」，即係對品牌執着追求、魄力、能力及毅力嘅個性。許總話公司集中火力專攻籃球市場，專注好重要，期望公司喺頂峰不斷挑戰自我，匹克呢個名可以表達呢個精神。
余絲韻