本文重點
一個成功嘅男人可以為老婆仔女做好多嘢，譬如佢哋鍾意名牌精品，就開間購物中心畀佢哋打理喇！我唔係講笑，尋日台北信義區嘅拜金新地標——Bellavita正式開幕，就係一個阿爸為太太同寶貝女「圓夢」嘅禮物。
耗資百億台幣打造
籌備咗5年、耗資近100億元新台幣打造嘅Bellavita，係由全球最大筆記電腦生產商——台灣廣達電腦副董事長梁次震嘅太座經營。Bellavita附近有台北101、新光三越及微風廣場，人氣旺、地點好，聽講下月全台第一間米芝蓮餐廳Joel Robuchon仲會開張，以後大家去台北又多咗個選擇嘞。
好多人淨係識廣達老闆林伯里，其實梁次震就係廣達嘅「二當家」。佢哋從香港德明高中、負笈台灣大學，仲住埋一個宿舍，到成功創業，一直係最佳拍檔。
梁次震話自己有鍾意嘅工作，仲全情投入，所以為3個寶貝女同太太起咗呢間購物中心，等佢哋全心全意打理喎！
余絲韻