記錄發展史 與時並進

致富搬新Office，絲絲梗要去拜訪一下。周老闆話，證券行同客戶嘅關係最緊要夠和諧，所以今次裝修就用咗和諧色調嘅金色同藍色，希望大家可以和氣生財。由於新總行比舊行寬敞，為咗令客戶對致富有更多了解，就更特地設計咗一條「時光隧道」，佢笑說：「『時光隧道』內記錄咗香港經濟與致富一直以來嘅發展，公司於一九七九年喺香港扎根成立，幾十年嚟都同客戶與時並進，一齊邁向致富之道。」絲絲就見到條「時光隧道」記錄咗部分致富嘅發展歷史，真係幾有心思。

諗真啲，證券行設計得靚同有特色，客戶自然坐得舒服又開心，生意都自然做多啲啦。周老闆揼本之餘，都好有諗頭。

余絲韻