本文重點
讀MBA（工商管理學碩士）除咗可於思維上得到裨益外，仲可以識到社會上嘅知名人士，拓闊人際網絡，好似今年喺中大MBA導師計劃入面，就有交銀信託行政總裁李紹基、城電（01137）主席王維基及立法會議員陳茂波等50幾位社會知名人士。
李紹基同絲絲講，佢以前都讀過中大嘅MBA課程，今個年度佢就做導師與學生分享經驗，暫時佢會帶一個做會計嘅學生，下星期就會見面，佢初步諗都係同佢分享吓自己嘅工作經驗以及社會上嘅關係。
讚課程夠國際化
李紹基話近排都幾多嘢做，但得到院方邀請，百忙中都抽空參與呢個活動，佢話個課程唔錯，而且夠國際化，不但有香港及內地嘅學生，仲有海外學生，至於佢自己之前讀緊嘅博士課程就已經讀完，論文就係寫關於企業管治嘅課題，睇嚟佢嘅學生可以好好請教關於呢方面嘅嘢喇！
余絲韻