本文重點
艾維朗喺電訊界無人不識，甚至可以形容佢係電盈（00008）嘅重要Icon。58歲嘅AA（艾維朗嘅英文名縮寫）仲有兩年就到公司規定嘅退休年齡，早前佢向電盈員工披露，話已經與公司傾接班問題，得出嘅結果係AA延遲退休對公司上下會較為有利，但做到幾時絲絲就唔知。不過，尋日公司咁啱出咗中期報告，就披露咗一啲佢同大老闆嘅新協議，唔知係咪暗示咗大家嘅合作年期呢？
訂立貸款及顧問協議
AA一向係主席李澤楷最倚重嘅得力助手之一，電盈剛發出嘅中期報告就披露，AA與李氏嘅私人公司早前訂立一份總值1,000萬美元為期7年嘅免息私人貸款，以及為期7年嘅顧問聘用協定，咁即係話AA獲貸款後，在未來7年會繼續為李氏効力，仲講明話顧問費用足以喺7年內償還呢1,000萬美元。呢份「貸款+聘用」協議，唔知同佢延遲退休有無直接關係，亦唔可以肯定AA係咪會留喺電盈直至佢65歲生日，只可以話，58加7就等於65，李氏會繼續係AA嘅老闆，直至AA到65歲為止！
余絲韻