中航科工一直具母公司注資憧憬，而早前國務院國資委已批准公司向中航汽車轉讓所持之哈汽集團100%權益，預期中航科工今年可完全剝離汽車業務，之後母公司中國航空工業集團便會注入資產，使公司可專注發展航空相關業務，包括飛機製造、發動機及航空系統等。中航科工母公司目前擁有二十一間上市及非上市公司，預料會注入的航空資產，保守估值達1,500億元人民幣，所以中航科工前景絕對可以睇好，而且喺注資憧憬下，股價跌極有限，唔怕逢低買入。

早前瑞銀發表報告，指由於淡馬錫所持有的利豐（00494）股份禁售期已滿，可能會沽售，故該行認為利豐短期會有調整，但建議投資者借此作為買入點。瑞銀將利豐目標價由32元上調至37元，維持買入評級，而美林亦發表報告看好。在大行唱好下，利豐尋日走勢凌厲，睇格局應可突破一年高位31元挑戰新高，可以作為配腳。

至於另一隻腳就揀隻宏華集團（00196），雖然佢成交唔大，但係尾市好明顯有大盤掃貨，估計隨時開車，可冷敲。

帥哥