十月內地股市存在唔少不明朗因素，先有資金收緊問題，另外又有大小非解禁，創板出台，多隻新股招股，又令市場資金被困等等，總之不利消息接踵而來。睇番近日上證走勢，睇來市場已率先偷步調整，如果一旦上證回調，港股難免會被拖累，相信十月份係一個難玩既月份。
古晨留意到中國礦業（00340），突然發行咗1.274億份認股權證，行使價0.358元，集資四千幾萬元。今次接貨者全部係班董事同埋高層。古晨記得，早前中礦表示有意購入內地一間金礦公司，今次集資分明係益番自己友，相信收購一事好快有好消息，而且炒上機會甚大，而0.36元相信會係底線，尋日收0.37元，睇落風險不大，向上睇0.55元，只要股價唔跌穿0.34元，都應該不需太擔心。
古晨