尋日港股重上21,000關，升超過500點，報收21,069點。個市升，偏偏詩詩所持的國美（00493）逆市下跌，不過既屬長線投資，當然繼續持有。至於駿威（00203）早段一度突破50日線，可惜企唔穩，詩詩以3.7元沽出，都係食胡先算。另以每股5.1元買入10萬股馬鋼（00323），金價升到飛起，其他貴賤金屬價亦跟住上，短炒博炒番上52周高位。
昌興國際（00803）走勢有改善，成交雖未重返最當炒時的水平，但股價在0.6元明顯有承接，並逐步完成收集。昌興主要從事買賣熟料、水泥等建築材料。華潤水泥快將上市，昌興具有影子概念，對股價短期帶來刺激。另一方面，唔少內地私募基金一直有捧昌興場，依家內地唔再驚關水喉，只要北水繼續南流，昌興又可重拾動力。
詩詩