小朋友扮演銀行家

呢個遊戲係滙豐「愛關懷．愛社區．愛家庭」活動嘅一部分，有28位小朋友去尖沙咀分行參觀，仲可扮演銀行家及客人，連滙豐香港區個人理財業務零售網絡主管韓克強都親自落場玩埋一份。聽講小朋友扮銀行家玩得好投入，仲揚言希望大個仔後喺銀行返工，睇嚟韓克強要早啲準備延攬呢班精英喇！小朋友玩完角色扮演，之後仲有魔術表演睇，然後食蛋糕，呢個精彩嘅下午，真係銀行家聽到都流口水。

滙豐搞呢類關心少數族裔嘅活動特別有說服力，因為佢哋業務遍布86個國家，個個地方搵一、兩個海外僱員行埋一齊，已經係唔知幾多個聯合國，平時合作完全了解種族之間融洽相處嘅重要性，要打入少數族群嘅社會，了解佢哋文化，「地方智慧」就能最佳發揮。

余絲韻