喺3,000萬美元全球廣告戰上，會包括喺500部著名嘅英國倫敦的士上貼上阿里公司標誌，爭取曝光度，同時運用電視廣告時段宣傳。

經濟唔掂拓業良機

阿里巴巴歐洲業務經理朱美琪話，全球經濟下滑，正係公司拓展業務嘅良機，因為小型公司為節省開支會轉向網絡。佢又話全世界嘅公司有99%係小型公司，喺經濟不景氣時亦唔會消失，過去3個月就有300萬會員加入阿里。公司現擁有逾4,000萬名註冊用戶，當中有950萬名來自中國以外地區。

佢又指出，過去一年公司喺英國嘅註冊用戶增長達55%，而喺歐洲、中東及非洲地區嘅增長更高達80%。英國乃阿里嘅第三大海外市場，註冊客戶數目達40萬，僅次於美國及印度。

余絲韻