上證插完到美股，港股被質落至50日線水平。雖然市場氣氛麻麻，但尋日開始見部分股仔郁郁吓，始終唔少股仔在過去兩個禮拜回咗一半，反彈少少亦屬正常。雖然有股仔反彈，但市場追貨人始終係少數，究竟係反彈還是重展升浪，古晨就唔識睇啦，只知咁嘅上落波幅，如果心血太少者，真係唔好入場博。
大摩早前認為內地糧食市場未來幾年可有兩成幾增長，內地最大嘅糧油企業中糧集團最能受惠，同時亦看好其持有嘅中國食品（00506），旗下酒飲類業務增長最快，現價更被低估云云。現時內地經濟時好時壞，但飲食係必需品，中食未來前景最能用一個「穩」字來形容，現時資金退場，轉玩防守性高股份，中食收集完或可重見6.5元，止蝕放4.5元。
古晨