代言人呢招內地好掂

「簡約不簡單」係公司產品嘅口號，利郎話搵吳彥祖做代言人，一來係佢嘅形象配合公司主題，二來佢喺香港知名度高，所以決定搵佢拍一輯廣告。內地朋友話，利郎品牌喺內地多人認識，都係多得佢哋嘅內地代言人陳道明，原來陳道明喺○二年已開始做利郎代言人，當時公司搵佢除咗因為佢知名度高之外，佢嘅內涵修養亦可以傳遞「簡單、大氣、品味」嘅訊息畀大家，與品牌風格好匹配。

公司話，自從陳道明當上代言人後，利郎喺內地市場嘅知名度大大提升，同時帶動利郎嘅產品銷售喺短短3年內翻咗10倍，現時只要一提起陳道明，內地人就會諗起利郎。日後一提起吳彥祖，香港人會唔會都諗起利郎呢？

余絲韻