02/09/2009

播放本新聞相關短片
 
股價號碼: 

鑊鏟快線:廣藥順勢短炒一轉

內地股市自高位回落咗兩成半,暫時仍未見有似樣反彈。上半年內地不停有熱錢流入炒作,炒樓炒股樣樣炒到天咁高,在過熱情況下,收緊番過鬆嘅銀根亦實屬正常。不過,喺呢個非常時期,內地又要整理產能過剩,即是唔畀個市有彈嘅藉口,如此上證就直落插水無水花,所以炒股真係要識大方向,風向轉咗就無謂死去,有時離場觀望吓,思維都清晰啲。

如果要入市,古晨就會搵啲國策股去炒,話晒有政策支持,前景都好啲。廣州藥業(00874)剛剛公布中期業績,倒退兩成,雖然唔係好出色,但都叫符合預期,股價連插兩日後,尋日終於見啲買盤埋番位。其實隻廣藥今轉都無點大炒過,在憧憬國策下,不妨跟番轉,博炒上5.5元,而止蝕位可以考慮放於3.5元。

古晨