地產代理老友話，呢個單位同多年前的「烹夫案」單位相距一層，最後呢個三房戶以370萬元成交，低市價逾兩成，其實以相同價錢，要喺同屋苑買個兩房戶都係掹掹緊，所以價錢聽落都相當「筍」。

荃中凶宅轉手都有賺

講開凶宅，今年以來已經先後有部分凶宅賣出嘅荃灣中心，最近就有一個面積400幾方呎嘅單位以80多萬元轉售，計落平均呎價低於1,900元，聽區內地產代理講，個單位早幾年曾經發生過自殺事件，雖然今次業主要以低於市價約三成將單位賣出，但在「平買平賣下」，持貨幾年升值幅度都有四成幾，同期內普通單位嘅升值幅度差唔多。

據了解，上述單位幾年前，喺發生事件之後幾個月，業主將單位以40幾萬元超低價賣出，兩年幾之後個單位兩度以50幾萬元獲利轉售，直到最近，個單位又再以80多萬元賣出，即係話事件發生後買入嘅業主，個個都可以獲利離場，所以話百貨撞百客，呢類單位都未必冇市場。

（Vincent Lau）