唔經唔覺，金融海嘯爆發快要接近一周年，環球經濟開始漸見「萌芽」，如本港今年次季GDP也錄得3.3%的按季增長，令各界人士難免得以舒一口氣。不過，股友們係唔係就此可以掉以輕心呢？對此確實仲有保留。
一直被市場睇低的利豐（00494）上周終吐氣揚眉。集團業務主力集中美國消費市場，當人人睇佢上半年業績都唔慌會好得去邊之際，佢就為大家帶嚟驚喜。期內純利增長13%，兼且加派股息，刺激股價於上周五急漲近一成，連帶另一隻出口股思捷（00330）都升逾8%，難怪咁多大行都即刻出報告，唱番好佢咯。中移（00941）將於周四公布業績，小尾就唔敢太過睇小，其股價仍未企穩90元樓上，後市或有上升空間，估計炒業績概念輪都輪到呢隻重磅股啦。
（小尾）