唔排除本周港股跟美股腳軟，或者恒指又要下試二萬關，但詩詩一向炒股唔炒市，只要未見資金大舉撤走，暫時仲未有需要全面退走。二三線股仔確係唔見之前嗰種氣勢，但仍有個別股份表現突出。好似較早前宣布跟Uniden Corporation及Uniden HK達成和解嘅新確科技（01063），唔再涉及任何法律訴訟，真係一天都光晒。股價上周四突破，周五續升12.2%，並創0.33元52周新高，似乎要展開新一輪升浪。

有消息話新確花咗個幾兩個月時間，終於消化六月中宣布折讓發行CB的消息，短期會有好消息公布。雖然未知係乜利好消息，但新確配售CB集資近2億元，有適合發展的項目，新確當然有資格收購，即管睇睇公司係咪有好消息跟尾，只要有勢兼有成交，可以搭順風車炒翻轉。現價上車博短炒上0.4元，跌穿0.3元止蝕。

詩詩