本文重點
李兆基證實已沽售10%股份，散戶及網民各有看法。散戶Michael認為，四叔沽10%股份是穩陣做法，不過擔心有散戶跟隨他沽貨，令本周恒指可能出現買貨少、沽貨多情況。他覺得恒指會於20,500至21,500點之間上落，即使已準備短炒資金，亦不會貿然入市。
憂調整 拒入市
散戶蘭姐說：「現時揸貨都好危險，四叔沽貨都正常。」她認為恒指之後會有深度調整，即使落到19,000點都未必敢入市。另一散戶梁先生就指，現時市況傾向「跌得少，升得多」，他不會如四叔一樣規限自己於甚麼點數沽貨，反而遇上高位時，會就個別股票的升幅而決定沽貨。
至於網民就有以下看法，MoneyQueen：「個市快爆升，25,000點go go go。」cecisiu：「怪唔知得升唔破21,000點，佢每一千點都沽10%喎，直到25,000點，要升都會好慢，都會畀佢沽返落來。」