花旗集團今年二月就取消咗原本犒賞旗下銷售年金及人壽保險部門Primerica頂級營業員嘅大會，始終花旗收咗國家成450億美元注資幫助，班國會議員當然會留意佢哋點樣使錢啦，政府仲要求受救援嘅財金機構要好好控制開支。Primerica及後更取消咗六月舉行嘅亞特蘭大年會及巴哈馬旅行。

豪請夫妻檔員工度假

不過，Primerica呢兩日又話明年二月將分別請400對及1,100對夫妻檔頂級營業員，前往夏威夷及拉斯維加斯嘅豪華度假村，作為犒賞取得理想業績嘅夥計及配偶。公司發言人話，家陣經濟復甦仍有一段路要走，但已看到隧道盡頭曙光，而旅遊犒賞計劃係員工銷售嘅原動力，仲話旅遊支出全部由公司盈利撥出，好似講到無用公家一毫子咁。

余絲韻