上市儀式猛人雲集

為咗見證今次歷史，本港唔少大人物會飛去台灣出席上市儀式，據聞恒生副董事長兼行政總裁梁高美懿、港交所（00388）行政總裁周文耀及證監會執行董事兼副行政總裁張灼華等都可能親自出席，都算大陣仗。咁又係，港、台ETF跨境上市制度由去年中開始提出，經過整整一年多嘅籌備，終於有首批互掛ETF出台，無論監管機構、發行商等都花咗不少工夫，見證Baby出世，梗要參與啦。

而另一隻香港ETF——追蹤A股嘅滬深300中國指數基金（02827）亦會喺下周在台灣掛牌，由於台灣投資者可以因此曲線投資A股，呢隻ETF上市亦分外令人注目。

至於台灣ETF過嚟香港掛牌，寶來台灣卓越50基金（03002）下周三喺香港上市，唔知屆時台灣方面有乜代表人物來港出席上市儀式呢？

余絲韻