本文重點
為咗提高員工對保育嘅知識及責任，恒生銀行（00011）喺上個禮拜六安排咗個環保講座，吸引咗超過一百名放假嘅員工出席，聽吓長春社保育經理蘇國賢講嘅至理名言。
頻獲「綠色」獎項
蘇國賢喺講座上分享咗市區樹木嘅重要性同埋佢哋面對嘅主要問題，仲有講吓現時樹木嘅保育措施同埋未來發展嘅方向。身為環保佼佼者嘅蘇國賢，強調提高公眾對本地樹木保育意識嘅重要性，鼓勵市民加強參與保護身邊嘅樹木。
過去兩年，恒生大大話話舉辦呢啲同環保有關嘅講座已經差唔多10次。講到環保，恒生向來不甘後人，攞環保大獎、綠色企業大獎等攞到手軟唔在講，就連佢哋嘅總行大廈亦有威水史，早於○五年時，已成為首家獲頒發ISO 14001環境管理系統證書嘅香港金融機構。
余絲韻