後來表妹終於接聽電話，佢知道絲絲有咁大誤會，笑到收唔到聲。原來呢個電話嘅歡迎辭之不過係平保作為劉翔贊助商嘅「回報」啫！

電話被轟炸唔肯收線

表妹話，呢段錄音淨係致電平安產險2萬幾條電話線先至聽到，推出以來已經成為公司熱門話題。

好多人以為打錯電話，亦都有好多人想聽晒完整版本，佢哋不停打電話嚟，仲叫平保啲人唔好咁快接聽住，真令人哭笑不得。

「緊急溝通」冧掂欄王

講起錄音過程都好好笑，原來劉翔好忙，要趁佢做冰敷同運動按摩時錄音。當佢瞓喺度一路治療一路讀稿，讀到最後一句「電話正在接通中，請稍候」時，佢突然間成個人彈起，話唔得喎，咁樣咪好似變咗平保嘅接線生？好彩，喺經過「緊急溝通」後，最後都順利完成咗錄音。

余絲韻