上月夾屋成交32宗

創新高價嘅單位係華禮樓低層13室，面積573方呎，拍賣開價148萬元，最後以152.3萬元賣出，呎價2,658元，比開價高2.9%，仲破咗屋苑六月份一高層單位賣咗135萬元嘅紀錄。

另夾屋樓價升勢都相當唔錯，不少單位做價都突破300萬元。中原老友同Vincent講，上個月共有32宗二手夾屋買賣登記，其中最活躍係鴨脷洲悅海華庭，期內有6宗登記，而最高價成交係青衣宏福花園第1座低層D室，成交價去到340萬元，至於悅海華庭亦都有一個1座高層A室，成交價達313萬元。

愈來愈多買家喺入市前會上網搵資料，地產代理監管局（下稱地監局）「盯緊」代理嘅網上廣告，尋日仲舉行網上物業廣告研討會，向業界講解在互聯網發布物業廣告時要遵守嘅法規，有逾40名人士參與。另外，該局署理行政總裁黃維豐話，上半年抽查網上物業廣告嘅次數達220次，期間發出咗32次口頭勸喻。

（Vincent Lau）