本文重點
德盛安聯資產管理同德國著名球會拜仁慕尼黑首次喺全球舉辦「Allianz青少年足球營」，嚟緊嘅周日舉行香港區選拔賽，絲絲聽聞大會邀請咗市區重建局主席兼香港商品交易所主席張震遠做主禮嘉賓。
勝出者赴德國比試
德盛安聯仲請咗香港足球先生李威廉，以及三度獲選香港足球先生嘅李健和為選拔賽擔任評審。佢哋會從眾多參賽者中揀選4位優勝者，代表香港於八月底參加喺德國慕尼黑舉行嘅「Allianz青少年足球營」，屆時佢哋分分鐘有機會同拜仁嘅球星高路斯、列貝利等見面，切磋吓球技。
呢次「Allianz青少年足球營」共有來自九個國家或城市嘅青少年參與。德盛安聯好希望將呢個活動恒常化，好似渣打馬拉松同港鐵嘅競步賽咁，成為每年嘅盛事。
余絲韻