本文重點
新世界（00017）近年在元朗有唔少發展，好似發售中的翹翠峰做價都唔錯，加上西鐵線喺年底可直達尖東，該公司亦加快元朗區發展。尋日Vincent在土地註冊處嘅登記資料，見到一宗22.2億元嘅大額土地成交，地皮位於公庵路龍田村，即係新地（00016）原築附近，買賣雙方分別係榮寶發展同鷹豐投資。翻查資料，兩間公司嘅董事都有新世界執行董事梁志堅，似乎係內部轉讓交易，並且睇到在上月向恒生銀行（00011）申請融資，睇嚟會好金快動工起樓。
港置經紀考獲狀元
地產代理監管局成立後，各代理行非常重視員工在專業資格考試嘅表現，其中港置老友啱啱向Vincent報喜話，旗下早前參與代理營業員牌照考試嘅半山壹號分行見習營業員鄧皓天，考到優異成績，榮登「狀元」寶座，原來佢考取佳績嘅方法，除咗熟讀一、二手樓盤資訊外，亦同時在考試前，跟資深同事帶客睇樓，從中掌握行業嘅運作。
（Vincent Lau）