怕美元貶值 豪買別墅

據內地傳媒報道，美國南加州有位輝叔，組織咗一個共有21人嘅掃樓團，平均年齡四、五十歲，喺廣州睇樓睇咗個幾月，前幾日拍板喺花都區豪使1.5億人仔掃入37幢別墅，每幢價錢由160萬至800萬不等。

輝叔接受訪問時就話，返大陸掃樓主要因為美元貶值，雖然喺美國市中心嘅樓價都跌咗一半以上，但深怕美元繼續貶值，始終都係走出去投資較穩陣。點解班老華僑對廣州別墅情有獨鍾？原來呢班掃樓團大部分人士祖籍廣州，唔少人都打算將來返鄉下養老，考慮到大陸郊區別墅抗跌力更強，所以今次專程越洋返廣州揀間合心水嘅郊區別墅。金占士忽發奇想，連華僑都話怕美元跌要走資，中國政府揸咁多美債，又點可以唔驚呢？

金占士