本文重點
近排股市好景，股民當然想第一時間知道恒指升跌，打電話查指數當然係一個方法，不過股民遲啲就無得再打28108111問恒指喇！恒指服務公司話經過定期檢討使用情況後，嚟近九月開始會停止有關服務，股民要查指數就要上網，裏面嘅資訊仲詳細添。
上網普及資訊更詳
今時今日財經資訊咁普及，要查指數話都無咁易，但始終仍有股民喜好打電話查指數。恒指服務公關同絲絲講，呢個查恒指電話號碼有咗好耐，當時未有互聯網，然而咁多年以來，互聯網基本上已滿足股民嘅資訊需要，所以先決定取消打電話查指數服務。公關仲話，其實上網查恒指不只實時咁簡單，網民Click入去仲可以知道令指數升升跌跌是嚟自邊啲股份，可謂一目了然，比起打電話聽指數嘅訊息更多。
余絲韻